काठमाण्डौं, २६ चैत २०७९ । नेपाल उद्योग वाणिज्य महासंघको निर्वाचन कार्यतालिका सार्वजनिक भएको छ । निर्वाचन समितिको चैत २५ गते सम्पन्न बैठकले २९ गते हुने निर्वाचनको समय तालिका सर्वजनिक गरेको हो । समितिका अनुसार मतदान समय बिहान ८ बजेदेखि दिउँसो ४ बजेसम्म रहेको छ । निर्वाचन नेपाल प्रज्ञा प्रतिष्ठानमा हुनेछ ।

वरिष्ठ उपाध्यक्षका उमेदवारले ५० प्रतिशतभन्दा बढी मत नपाए चैत ३० गते निर्वाचन हुने बताइएको छ । महासंघको निर्वाचन समितिले प्रकाशित गरेको सूचनामा कुनै पनि वरिष्ठ उपाध्यक्षका उमेदवारले ५० प्रतिशतभन्दा बढी मत नपाए चैत ३० गते बिहान ११ बजेदेखि मतदान  शुरु हुने उल्लेख छ ।

महासंघको ५७औँ साधारणसभामा वरिष्ठ उपाध्यक्षमा तीनजना उमेदवारी दिएका छन् । वस्तुगत उपाध्यक्ष अन्जन श्रेष्ठ, एसोसिएट उपाध्यक्ष रामचन्द्र संघई र उमेशलाल श्रेष्ठले प्यानल नै बनाएर निर्वाचनमा होमिएका छन् ।