काठमाण्डौं । नेपाल स्टक एक्सचेन्ज (नेप्से) ले नयाँ वेबसाइट सञ्चालनमा ल्याउने भएको छ । कात्तिक २७ गतेबाट नेप्सेले नयाँ वेबसाइट सञ्चालनमा ल्याउन लागेको हो । कात्तिक २७ गतेबाट नेप्सेको नयाँ वेबसाइट पूर्ण रूपमा सञ्चालनमा आएपछि पुरानो वेबसाइट अन्तर्गतका सम्पूर्ण लगइन आइडी र युजर आइडी खारेज हुनेछन् ।

यसका लागि नेप्सेले हालसम्म नट्सको लगइन आइडी र युजर आइडी नलिएका सूचीकृत कम्पनीहरूलाई सो आइडीहरू लिन आग्रह गरेको छ । नेप्सेले नयाँ वेबसाइट सञ्चालनमा ल्याउने भएकाले २५ गतेभित्र नट्सको लगइन आइडी र युजर आइडी लिन भनेको छ ।