डेंगी नियन्त्रणका लागि धरानमा विद्यालय बन्द
![](https://www.newsyathartha.com/wp-content/uploads/2023/07/dengueeee.jpg)
काठमाण्डौं, साउन १७। सुनसरीको धरान उपमहानगरपालिकामा डेंगी भाइरस नियन्त्रणका लागि पालिकाभित्रका सबै शैक्षिक संस्थाको पठनपाठन बन्द गरिएको छ ।
उपमहानगरले बिदाको बेला विद्यालयका शिक्षक, विद्यार्थीलाई डेंगी नियन्त्रणका लागि अभियानमा सहभागी गराउन आह्वान गरेको छ । कार्यपालिका बैठकले शिक्षक र विद्यार्थीसँगै सबै वडामा सामाजिक संघसंस्था, टोल विकास समिति, स्थानीय समुदाय एकसाथ आ–आफ्नो वडाको टोलटोलमा खटिन अनुरोध गरेको छ ।
धरानमा डेंगीबाट गत जेठ तेस्रो सातायता १ बालिकासहित ८ जनाको मृत्यु भइसकेको छ ।